Каталониянинг "Барселона" клуби ёзги трансфер мавсумидаги режалари ҳақида ОАВга маълумот берди. ESPN нашрининг маълум қилишича, "кўк-анорранглилар" янги мавсумда ҳужумчи сотиб олмоқчи эмас.
Раҳбариятнинг фикрича, жамоада мавжуд ҳужумчилар ўзларига юкланган вазифаларни яхши бажаришмоқда. Айни дамда бош мураббий Хави Эрнандес тўрт нафар ҳужумчига ишониши мумкин: Ансу Фати, Пьер-Эмерик Обамеянг, Мемфис Депай ва Ферран Торрес. Бундан ташқари, янги шартнома таклиф қилинган Усмон Дембеле ҳам клубда қолиши мумкин.
Аввалроқ ОАВда каталонияликлар Роберт Левандовски ва Садио Манега қизиқиш билдираётгани ҳақида хабарлар тарқалган эди.
