"Манчестер Сити" ўз ҳужумчиси Габриэль Жезусни 60 миллион евро эвазига қўйиб юборишга тайёр. Журналист Бруно Андраденинг сўзларига кўра, “шаҳарликлар” футболчи учун 60 миллион евродан кам пул таклиф қиладиган клублар билан трансфер борасида музокаралар олиб бормоқчи эмас.
Аввалроқ Пьер-Эмерик Обамеянг кетганидан кейин ҳужумчи қидираётган Лондоннинг "Арсенал" клуби футболчи хизматига қизиқиш билдираётгани ҳақида хабар берилганди.
Эслатиб ўтамиз, Жезуснинг "Манчестер Сити" билан амалдаги шартномаси 2023 йилнинг ёзига қадар тузилган. "Арсенал" яна бир йил кутиш ва бразилияликни текинга қўлга киритиш вариантини кўриб чиқмоқда.
