"Ньюкасл Юнайтед" "Барселона" ярим ҳимоячиси Филиппе Коутиньо учун курашга қўшилди. Футболчи айни дамда "Астон Вилла"да ижара асосида ўйнамоқда.

Коутиньонинг Каталония клуби билан амалдаги шартномаси тугашига ҳали бир йил бор, бироқ у кейинги мавсумда "Барселона"да қолмаслигини аллақачон маълум қилган.

Футболчига ҳозирда ижара асосида тўп тепаётган "Астон Вилла" клуби ҳам қизиқиш билдирмоқда. Клуб аллақачон каталонияликлардан футболчининг нархини туширишни сўраган.

Бироқ, GOAL хабарига кўра, "Ньюкасл" вазиятга аралашди. "Қарғалар" "Барселона"га футболчи учун 40 миллион евро тўлаб, футболчини ўз сафига қўшиб олмоқчи.

Маъулмот ўрнида, Коутиньо жорий мавсумда АПЛда 15 та ўйинда майдонга тушиб, 4 та гол ва 3 та голга ассистентлик қилди.