Хорватиялик таниқли мутахассис, айни пайтда Хорватия миллий терма жамоаси бош мураббий бўлиб турган Славен Билич, Москванинг "Локомотив" клуби билан уч йиллик шартнома имзолади. Бу ҳақда москваликлар расмий сайти хабар бермоқда.
Билич жамоани Европа чемпионати ўз якунига етгач қабул қилиб олиши кўзда тутилган. Чунки, Украниа ва Польша майдонларида бўлиб ўтадиган ЕВРО-2012 мусобақаси Билич учун Хорватия терма жамоаси бош мураббийлигидаги сўнгги турнир бўлади.
43 ёшли хорватиялик мураббий, "Локомотив" клубин шу кунгача бошқариб келган португалиялик Жозе Коусейрунинг ўрнини эгаллайди.