Римнинг "Рома" клуби бош мураббий лавозимини тарк этган Луис Энрикенинг ўрнига, айни пайтда "Катания"ни бошқараётган Винченцо Монтелла эгаллаши мумкин, дея хабар бермоқда Football Italia.
"Рома" спорт директори Вальтер Сабатини ҳам бу маълумотни тасдиқлади.
"Монтелла - ҳақиқатда ҳам бизнинг кўз остимизда турган номзодлардан бири. У ўтган мавсумда ҳам "Рома" бош мураббийи бўлиб ишлаган пайтда ўзидан ёмон таассурот қолдирмаган. Бу йилги мавсумда ҳам "Катания" билан муваафақиятларга эришмоқда. Шундай экан унинг номзоди, айни дамда "Рома" учун идеал номзод. Қолаверса, у ушбу клубда узоқ йиллар тўп сурган ва клуб футболчилари ва мухлсилари орасида катта обрўга эга", - дейди Сабатини.
"Унинг айни пайтда "Катания" билан шартномаси борлигини биламиз. Биз шундай бўлсада, у билан музокаралар олиб бориш учун рухсат олишга эришмоқчимиз", дея Сбатинининг сўзларидан иқтибос келтирмоқда Football Italia.