Таниқли журналист, спорт шарҳловчиси Даврон Файзиев "Боруссия Д" ҳужумчиси Эрлинг Холанднинг "Манчестер Сити"га трансфери ҳақида фикр билдирди.

"Манчестер Сити" Эрлинг Холанд билан келишувга эришди. Шартнома 2027 йилгача тузилади ва норвегиялик футболчи ҳафтасига 375 минг евро маош олади.

Демак, Пеп Гвардиола баъзи принципларидан воз кечади. У бўйдор, таран, марказий форвардлар ўйнатмасди. У яққол ажралиб турувчи юлдузлар билан муносабатларни эҳтиёткорлик билан шакллантирарди. Булар иш бермади. “Жаллод” форвард керак. "Сити" армия, лекин катта ўйинларни шахслар ҳал қилаётганига ҳамма гувоҳ.

Холанд атрофида янги форматдаги "Ман Сити" қурилади. Ундан қанот вингери ясалмайди. Гвардиола принципдан натижани устун қўяди. Мажбур. Ва тўғри қилади. АПЛга монстр келмоқда", - деб ёзди Файзиев ўз телеграм-каналида.