Taniqli jurnalist, sport sharhlovchisi Davron Fayziyev "Borussiya D" hujumchisi Erling Xolandning "Manchester Siti"ga transferi haqida fikr bildirdi.
"Manchester Siti" Erling Xoland bilan kelishuvga erishdi. Shartnoma 2027 yilgacha tuziladi va norvegiyalik futbolchi haftasiga 375 ming yevro maosh oladi.
Demak, Pep Gvardiola ba’zi prinsiplaridan voz kechadi. U bo‘ydor, taran, markaziy forvardlar o‘ynatmasdi. U yaqqol ajralib turuvchi yulduzlar bilan munosabatlarni ehtiyotkorlik bilan shakllantirardi. Bular ish bermadi. “Jallod” forvard kerak. "Siti" armiya, lekin katta o‘yinlarni shaxslar hal qilayotganiga hamma guvoh.
Xoland atrofida yangi formatdagi "Man Siti" quriladi. Undan qanot vingeri yasalmaydi. Gvardiola prinsipdan natijani ustun qo‘yadi. Majbur. Va to‘g‘ri qiladi. APLga monstr kelmoqda", - deb yozdi Fayziyev o‘z telegram-kanalida.













