Германиянинг “Штутгарт” клуби футболчиси Борна Соса фаолиятини АПЛда давом эттириш имкониятига эга. Бу ҳақда Focus.de сайти хабар бермоқда.
"Манчестер Юнайтед" 24 ёшли хорватиялик қанот ҳимоячисини сотиб олмоқчи. “Қизил иблислар”нинг янги бош мураббийи Эрик тен Хаг бу келишув ташаббускори ҳисобланади.
Борнанинг "Штутгарт" билан шартномаси 2025 йилнинг ёзига қадар тузилган. Transfermarkt портали маълумотларига кўра, унинг трансфер нархи 20 миллион еврони ташкил қилади.
Соса жорий мавсум Бундеслигада 27 та ўйинда майдонга тушиб, 1 та гол урди ва 8 та голли узатмани амалга оширди.
