Мюнхеннинг “Бавария” клуби асосий таркибдаги барқарор ўрнини йўқотган ҳужумкор ярим ҳимоячи Лерой Сане тақдирини ҳал қилди.
Ўйини пасайиб кетганига қарамай, клуб раҳбарлари ёзги трансфер ойнасида вингерни сотишни режалаштирмаяпти. Бу ҳақда Sport1,de журналистлари хабар бермоқда.
26 ёшли футболчи “Бавария”га 2020 йилнинг ёзида “Манчестер Сити”дан келиб қўшилган эди. Унинг клуб билан амалдаги шартномаси 2024/2025 йилги мавсум охирида якунига етади.
Бундеслиганинг жорий мавсумида Лерой 31 учрашувда 7 та гол урди ва 7 та голли узатмани амалга оширди.