Ярим ҳимоячи Френки де Йонг катта эҳтимол билан "Барселона"ни тарк этади.
Журналист Жерар Ромеронинг фикрича, ярим ҳимоячини ой охиригача "Манчестер Юнайтед" сотиб олади. Трансфер суммаси 70-80 миллион еврони ташкил қилади.
Каталония клуби раҳбариятининг фикрича, нидерландиялик футболчи яна бир мавсум жамоада қолса ва ўзининг яхши тарафларини очиб бера олмаса, ўз қийматини сезиларли даражада йўқотади. Трансферни амалга ошириш нияти иқтисодий сабабларга боғлиқ.
Жорий мавсумда де Йонг Ла Лигада 31 та ўйин ўтказиб, 3 та гол урди.
