“Манчестер Сити” мавсум охирида, айниқса, Чемпионлар лигасидан чиқиб кетганидан кейин "газини" босмоқда.

Хосеп Гвардиола шогирдларини АПЛда тўхтатиб бўлмаяпти. "Манчестер Сити" 33-турнинг қолдирилган ўйинини сафарда "Вулверхэмптон"га қарши ўтказди ва 5:1 ҳисобида ғалаба қозонди.

Бу “шаҳарликлар”нинг йирик ҳисобдаги кетма-кет бешинчи ғалабаси бўлди. Бу кетма-кетликда биринчи бўлиб "Брайтон" мағлубиятга учради(3:0), кейин "Уотфорд" 5:1 ҳисобида мағлуб бўлди, кейин "Лидс" "қулади" (4:0), якшанба куни "Манчестер Сити" "Ньюкасл" дарвозасига жавобсиз бешта гол киритди, энди "бўрилар" 5:1 ҳисобида таслим бўлди.

Шу пайтгача АПЛда ҳеч қайси клуб кетма-кет бешта учрашувни йирик ғалаба билан якунламаган.