“Manchester Siti” mavsum oxirida, ayniqsa, Chempionlar ligasidan chiqib ketganidan keyin "gazini" bosmoqda.
Xosep Gvardiola shogirdlarini APLda to‘xtatib bo‘lmayapti. "Manchester Siti" 33-turning qoldirilgan o‘yinini safarda "Vulverxempton"ga qarshi o‘tkazdi va 5:1 hisobida g‘alaba qozondi.
Bu “shaharliklar”ning yirik hisobdagi ketma-ket beshinchi g‘alabasi bo‘ldi. Bu ketma-ketlikda birinchi bo‘lib "Brayton" mag‘lubiyatga uchradi(3:0), keyin "Uotford" 5:1 hisobida mag‘lub bo‘ldi, keyin "Lids" "quladi" (4:0), yakshanba kuni "Manchester Siti" "Nyukasl" darvozasiga javobsiz beshta gol kiritdi, endi "bo‘rilar" 5:1 hisobida taslim bo‘ldi.
Shu paytgacha APLda hech qaysi klub ketma-ket beshta uchrashuvni yirik g‘alaba bilan yakunlamagan.
