"Манчестер Сити" бош мураббийи Хосеп Гвардиола Эрлинг Холанднинг жамоага келиши ҳақида фикр билдирди.
“Клуб келажакка жиддий сармоя киритишга қарор қилди. Умид қиламанки, у бу ерга жуда узоқ муддатга келади ва мен унинг кейинги мавсумда жамоамизга мукаммал мослаша олишига шубҳа қилмайман.
Мураббийни яхши қиладиганлар - футболчилардир. У ақл бовар қилмайдиган ёш истеъдод эгаси. Ишончим комилки, биз унга қўлидан келганича ёрдам берамиз”, - деди Гвардиола “Вулверхэмптон” устидан қозонилган ғалабадан сўнг.
Эрлинг Холанд ёзда "Боруссия"дан "Манчестер Сити"га ўтади. Трансфер суммаси тахминан 51 миллион фунтни ташкил қилади.
