"Ювентус" вице-президенти Павел Недвед ҳужумчи Пауло Дибала нима учун жамоадан кетаётганини тушунтирди.

“Биз футболчини ҳар томонлама баҳоладик, у бизга майдонда ва ундан ташқарида нима бераётганини ўргандик, лойиҳамизга қўшган ҳиссасини кўриб чиқдик.

Очиғи, унинг талаблари жуда юқори ва буни тушуниш мумкин, чунки у ажойиб футболчи. Аммо биз уларни қондиришга тайёр эмаслигимизни ҳис қилдик, шунинг учун бизнинг йўлларимиз ажралиши табиий. Лекин бу унинг ажойиб футболчи эмаслигини англатмайди” - деди Недвед Sport Italia нашрига.