"Челси" бош мураббийи Томас Тухель Англия чемпионатининг 36-турида "Лидс"ни мағлуб этганидан сўнг (3:0) жамоа ҳимоядаги хатоларни тузатиши кераклигини таъкидлади.
“Биз олдинга қадам ташлашимиз ва жамоанинг ҳимоядаги муаммоларини бартараф этишимиз керак, шу туфайли биз жуда кўп гол ўтказиб юборяпмиз. Бугун биз ҳеч қандай янгилик кўрсатмадик, лекин шу билан бирга охирги ўйинларга қараганда анча юқори концентрация ва интизом билан ўйнадик.
Биз биринчи дақиқадан сўнгги дақиқагача ажойиб ўйин ўтказдик. Бугунги ҳаракатларимиздан мамнунман. Биз 90 дақиқа давомида юқори савияда ўйнадик", - деди Тухель.
