"Лидс Юнайтед" бош мураббийи Жесси Марш "Челси"га қарши учралган мағлубият ҳақида фикр билдирди. У шундай дейди:
"Хафсалам пир бўлди. Биз яна эрта гол қабул қилиб олдик. Камига, қайтадан бир киши кам бўлиб ўйнашга мажбур бўлдик. Бизда ҳар томонлама имкон йўқ эди. Чунки аллақачон бир футболчи кам бўлиб қолгандик. Сўнгги икки баҳсдаги қизилга сабаб бўлган қўполликлар жамоанинг қолган вакилларига таъсир қилмай қолмади. Мен футболчиларнинг ҳеч бирини айбдор деб кўрсатмайман. Улар қўлидан келганини қилди. Мавсумни қутқариб қолишга ҳаракат қилишимиз керак. Бизда ўзга йўл йўқ".
Айни дамда "Лидс" хавфли зонада қолмоқда (18).
