"Барселона" клуби ярим ҳимоячи Френки де Йонгни сотмоқчи.
Кеча "Манчестер Юнайтед" 25 ёшли нидерландиялик футболчини 70-80 миллион евро эвазига сотиб олмоқчи эканлиги ҳақида маълумотлар пайдо бўлди.
Бугун Diario Sport хабарига кўра, Каталония клуби футболчини 100 миллион еврога баҳоламоқда, бироқ Goal.com хабарига кўра, "кўк-анорранглилар" 50-60 миллион евролик таклиф тушса, музокаралар столига ўтиришади.
Қолаверса, "Барса" деярли барча футболчилари бўйича таклифларни кўриб чиқишга тайёр, фақат беш-олтита "тегиб бўлмас", жумладан Эрик Гарсия, Роналд Араухо, Педри, Гави, Ферран Торрес ва Ансу Фатилардан ташқари.
