"Фиорентина" дарвозабони Бартоломео Драговскига "Саутгемптон" қизиқиш билдирмоқда, деб хабар беради Telegraph.
Манбанинг хабарига кўра, "авлиёлар" ёзда футболчининг трансферини 12 миллион евро эвазига амалга оширишга тайёр.
Драговски "Фиорентина"га 2016 йилда Польшанинг "Ягеллония" жамоасидан 2,5 миллион евро эвазига ўтган эди. Унинг шартномаси 2023 йилгача амал қилади.
Жорий мавсумда 24 ёшли дарвозабон "бинафшаранглилар" сафида барча турнирларда 9та ўйин ўтказиб, 11та гол ўтказиб юборди ва уч марта ўз дарвозаси дахлсизлигини сақлаб қолди. У жароҳати туфайли 14 та учрашувдан бери майдонга тушмаяпти. Трансфермаркт кипернинг нархини 9 миллион еврога баҳоламоқда.
