"Реал Мадрид" бош мураббийи Карло Анчелотти ўзини жорий мавсумдаги энг яхши мураббий деб ҳисобламаслигини тан олди. Мадрид клуби Испания чемпионига айланди ва Чемпионлар лигаси финалига чиқди.
“Бу саволга жавоб бериш қийин. Мен ўзимга баҳо беришни ёқтирмайман, бошқалар менга баҳо берсин.
Ҳозир бахтли лаҳзаларни бошимдан ўтказяпман ва бу узоқ давом этади деб умид қиламан”, - деди Анчелотти.
Эслатиб ўтамиз, "Реал Мадрид" Чемпионлар лигаси финалида "Ливерпуль"га қарши ўйнайди. Ўйин 28 май куни Францияда бўлиб ўтади.
