Френки де Йонг "Барселона"дан "Манчестер Юнайтед"га ўтиши ойдинлашиб қолмоқда.

Cuatro нашри хабарига кўра, ярим ҳимоячи яқин ҳафталарда "қизил иблислар" таркибига ўтади. "Барселона" унинг учун 75 миллион евродан кўпроқ маблағ ишлаб олади. Ушбу битим шу йилнинг ёзги трансфер ойнасининг биринчи кунларида амалга оширилади. Келишув мавсум якунига қадар ҳам эълон қилиниши мумкин.

Келишув “Барселона”нинг директорлар кенгаши ва иқтисодий бўлими, клуб президенти Жоан Лапорта ҳамда бош мураббий Хави томонидан маъқулланган.

42 ёшли мутахассис бу ёзда "Барселона" ярим ҳимоясини янгилашини истамоқда. Де Йонг сотилгандан сўнг, мураббий жамоа таркибида ўйин услуби бўйича Педрига ўхшаш янги ярим ҳимоячиларни кўрмоқчи. Хавига у жамоага етказмоқчи бўлган ўйин услубини тушунадиган футболчилар керак.