“Монако” бош мураббийи Филиппе Клемен келаси мавсумда ҳам клуб бошқарувида қолади.
Аввалроқ, чемпионат давомида жамоани бошқарган бельгиялик мутахассис ёзда «Монако» раҳбарияти жамоадан кетадиган футболчи ва мураббийлар рўйхатидан жой олгани ҳақида хабар берилганди.
Бироқ, кетма-кет 8 ғалабали серия клуб раҳбарларининг фикрини ўзгартирди, деб хабар бермоқда L’Équipe нашри.
Чемпионат тугашига икки тур қолганида “Монако” учинчи ўринни эгаллаб турибди ва келаси мавсумда Чемпионлар лигасида иштирок этишга даъвогарлик қилмоқда. Клуб “Ницца”дан икки очко, “Ренн”дан уч очко олдинда.
