Мадриднинг “Реал” клуби “Ницца” ҳужумчиси Амин Гуирига қизиқиш билдирмоқда. Футболчини "янги Карим Бензема" деб аташяпти.
Гуири 2020 йилда "Ницца" таркибига келиб қўшилган эди. Жорий мавсумда ҳужумчи ўз ўйинлари билан яхши таассурот қолдирди ва бир қанча топ-клублар, жумладан, “Реал Мадрид”нинг ҳам эътиборини тортди.
Испанлар, айниқса, Эрлинг Холанд трансферидаги муваффақиятсизликдан сўнг, ҳужумчи топишдан манфаатдор. «Ницца» Гуири учун 50-60 миллион евро талаб қилиши кутилмоқда.
Жорий мавсумда футболчи Франция чемпионатида 36 та ўйин ўтказиб, 10 та гол урди ва 8 та голли узатмани амалга оширди.
