Испанияда ўқув-машғулот йиғинлари олиб бораётган Хосе Мария Мендез бошқарувидаги Ўзбекистон футзал терма жамоаси ўзининг иккинчи ўртоқлик ўйинини Мексиканинг «Гвадалаҳара» клубига қарши ўтказиб, 5:3 ҳисобида зафар қучди.

Биринчи бўлимнинг 5-дақиқасида Хуршид Тожибоев ҳисобни очган бўлса, икки дақиқа ўтмай рақиб футболчилари мувозанатни тиклашди. 17-дақиқада Жамолиддин Шарипов ўз голи билан биринчи таймни Ўзбекистон фойдасига ҳал қилди.

Рақиб етарлича ўрганиб бўлингач, Мендез ҳужумкорликни оширди. Бунинг натижасида иккинчи бўлимда Хуршид Тожибоев, Нодир Элибоев ва Дилшод Раҳматов каби футзалчилар бир мартадан зафар қучиб, ҳисобни йирик кўринишга олиб келишди. Ўйин кунига оз фурсат қолганида хотиржамликка берилган меҳмонлар сўнгги икки дақиқада иккита гол ўтказиб юборишди.

Қайд этиш керак, 25 май куни старт оладиган Осиё чемпионатига тайёргарлик кўраётган Ўзбекистон футзал терма жамоаси Испаниядаги биринчи ўртоқлик ўйинини мамлакат иккинчи дивизиони вакили «Баргас»га қарши ўтказиб, 1:4 ҳисобида имкониятни бой берганди.

«Гвадалаҳара» - Ўзбекистон 3:5
Голлар: Хуршид Тожибоев (2та), Жамолиддин Шарипов, Нодир Элибоев, Дилшод Раҳматов.
Асосий таркиб: Рустам Умаров, Фарход Абдумавлонов, Дилшод Ирсалиев, Хуршид Тожибоев.
Иккинчи бўлим: Олег Холмуҳамедов, Мақсад Файзуллаев, Константин Свиридов, Хуршид Тожибоев.