"Манчестер Юнайтед" ҳужумчиси Криштиану Роналду жамоанинг янги бош мураббийи Эрик тен Хейг ҳақида ўз фикрлари билан ўртоқлашди.
Мавсум охиригача Амстердамнинг “Аякс” клубини бошқарадиган нидерландиялик мутахассис ёздан бошлаб “қизил иблислар” устозига айланади.
"Биз нафақат футболчи, балки мухлис сифатида ҳам жуда хурсандмиз ва ҳаяжондамиз. Келгуси мавсумда совринлар ютишимиз мумкинлигига ишонишимиз керак.
Унинг “Аякс”да қилган ажойиб ишлари ҳақида кўп эшитганман. Тен Хаг тажрибали мутахассис, лекин биз унга вақт беришимиз керак”, - деди 37 ёшли португалиялик футболчи.
