"Манчестер Юнайтед" "Наполи" ҳужумчиси Виктор Осимхенга қизиқиш билдирмоқда, дея хабар беради AreaNapoli.
Манба берган хабарга кўра, "Манчестер Юнайтед" Осимхен билан шартномага ҳозирда "Севилья"да ижара асосида ҳаракат қилаётган ҳужумчи Антони Марсьялни ҳам қўшишга тайёр. Қайд этилишича, Марсьялнинг ўзи Испанияда қолмоқчи.
Нигериялик ҳужумчининг “Наполи” билан амалдаги шартномаси 2025 йилнинг ёзига қадар тузилган.
Виктор Осимхен жорий мавсум неаполликлар сафида барча мусобақаларда 30 та ўйинда майдонга тушди. У 17 та гол урди ва 6 та голли узатмани амалга оширди.
