Мадриднинг “Реал” клуби ҳужумчи Винисиус Жуниор билан шартномани узайтириш борасида музокараларни давом эттирмоқда.
Marca хабарига кўра, мадридликлар футболчига йилига 10 миллион евро маош билан 2028 йилгача шартнома таклиф қилишга тайёр. Бразилиялик футболчининг товон пули 3 баробар оширилиши мумкин. 350 миллион евродан 1 миллиард еврогача.
21 ёшли ҳужумчининг "Реал" билан амалдаги шартномаси 2024 йилнинг ёзига қадар мўлжалланган. У жамоада 2018 йилдан буён ўйнаб келмоқда.
2021/22 йилги мавсумда Винисиус Мадрид клуби сафида барча турнирларда 50 та ўйин ўтказиб, 21 та гол урди ва 20 та голли узатмани амалга оширди.
