Ҳозирда БААнинг "Ал Васл" клубини бошқараётган аргентиналик афсона Диего Марадона. якшанба куни "Манчестер Сити" қўлга киритган чемпионлик унвони ҳаққоний қўлга киритилганини таъкидлаб ўтди.

"Ўша куни "КПР" иккинчи голни ургандан кейин, ўйинни ортиқ кўрмасликка қарор қилдим ва чиқиб кетдим. Чунки ўша пайтда роса асабийлашаётгандим", - дейди Марадона.

"Аммо "Сити"нинг қўшмча вақтда иккита гол уриб, ғалабани илиб кетганини эшитиб, эсим оғиб қолай дедим. Ўша пайтда машғулот олиб бораётгандик. Ушбу янгиликни эшитиб эса, мириқиб кулдим ва жуда ҳурсанд бўлдим.

"Ўйиндан кейин Серхио билан ҳам, қизим ва набирам билан ҳам суҳбатлашдим. Уларнинг ҳаммасини ғалаба билан табрикладим ва ушбу қувончли хабарни улар билан бирга баҳам кўрдим.

Аргентиналик афсона шуниндек, ўша учрашувда ғалаба тўпини киритган куёви, Серхио Агуеро ҳақида ҳам илиқ сўзларини айтишдан ўзини тия олмади.

"Агуеро жаҳон савиясидаги ҳужумчи эканлигини шу куни яна бир бор исботлади. Ўйиннинг қўшиб берилган дақиқаларида, қолаверса чемпионликни ҳал қиладиган ўйинда гол уриш учун ҳақиқий чемпионлик менталитетига эга бўлишингиз керак. Унда бу нарса бор. Унинг учун ҳурсандман".

"Қолаверса ушбу ғалаба, "Манчестер Сити" учун ҳақиқий байрам бўлди. Бу жамоа яқин йиллар ичида буюк клублар сафида тилга олинади. Бунга шубҳам йўқ.", - дея Марадонанинг сўзларидан парча келтирмоқда Sport 360