"Ливерпуль" ҳимоячиси Константинос Цимикас "Челси"га қарши Англия кубоги финалида (0:0, 6:5) пенальтилар сериясидаги ҳал қилувчи зарбани голга айлантиргандан кейинги ҳис-туйғулари билан ўртоқлашди.

“Бу мен учун жуда ва жуда алоҳида дақиқа эди. Мураббий мендан нечинчи бўлиб зарба беришимни сўради. Мен етти дедим. “Нега бунчалик кеч?” деб сўради. Мен эса еттинчи рақамни хоҳлайман, деб айтдим. Бу рақам менга ўйинда ғалаба қозониш имкониятини берди, мен тўғри бурчакни танладим ва гол урдим", - дея Цимикас сўзларини келтиради BBC.

Цимикас жорий мавсумда 25 та ўйинда майдонга тушиб, 6 та голли узатмани амалга оширган.