"Liverpul" himoyachisi Konstantinos Simikas "Chelsi"ga qarshi Angliya kubogi finalida (0:0, 6:5) penaltilar seriyasidagi hal qiluvchi zarbani golga aylantirgandan keyingi his-tuyg‘ulari bilan o‘rtoqlashdi.

“Bu men uchun juda va juda alohida daqiqa edi. Murabbiy mendan nechinchi bo‘lib zarba berishimni so‘radi. Men yetti dedim. “Nega bunchalik kech?” deb so‘radi. Men esa yettinchi raqamni xohlayman, deb aytdim. Bu raqam menga o‘yinda g‘alaba qozonish imkoniyatini berdi, men to‘g‘ri burchakni tanladim va gol urdim", - deya Simikas so‘zlarini keltiradi BBC.

Simikas joriy mavsumda 25 ta o‘yinda maydonga tushib, 6 ta golli uzatmani amalga oshirgan.