Ўзбекистон ўсмирлар терма жамоаси (U16) Душанбедаги CAFA U-16 турнирида ўзининг иккинчи ўйинини ўтказди. Жамолиддин Раҳматуллаев шогирдларига бу сафар афғонистонлик ўсмирлар рақиблик қилишди.

Ватандошларимиз биринчи бўлим тугашига 4 дақиқа қолганида ҳисобни очишган бўлса, иккинчи таймда яна 5та гол уриб, ҳисобни йирик 6:0 кўринишга келтириб қўйишди. Учрашувда Беҳруз Жуматов ва Амирбек Саидов "дубл"га эришишган бўлса, Ҳошимбоев ва Мирзаев биттадан гол муаллифига айланишди.

Эслатиб ўтамиз, Ўзбекистон ўсмирлар жамоаси 1-турда Эрон билан 2:2 ҳисобида дуранг ўйнаганди. Жамоамиз кейинги баҳсни 18 май куни Тожикистонга қарши ўтказади.

CAFA U-16 мусобақа, 2-тур
Афғонистон - Ўзбекистон - 0:6 (0:1)
Голлар: Беҳруз Жуматов (41ʼ, 50ʼ), Жаҳонгир Ҳошимбоев (51ʼ), Лазизбек Мирзаев (57ʼ), Амирбек Саидов (60ʼ, 83ʼ).