Италиянинг "Аталанта" клуби ва Колумбия терма жамоасининг 31 ёшли ҳужумчиси Луис Муриэль келаётган трансфер ойнасида жамоасини тарк этиши мумкин, деб хабар беради La Gazzetta dello Sport.
Манба берган хабарга кўра, футболчини Туриннинг "Ювентус" клуби диққат билан кузатиб бормоқда ва улар аргентиналик Пауло Дибалага ўринбосар изламоқда.
Колумбиялик футболчининг шартномаси кейинги мавсум охирида якунига етади. Trasnfermarkt портали ҳужумчини 22 миллион еврога баҳоламоқда.
У "Аталанта"га 2019 йилда Испаниянинг "Севилья" клубидан кўчиб ўтган.
А Сериянинг жорий мавсумида Муриэль 26 ўйинда қатнашиб, рақиб дарвозасига 9 та гол киритди ва 8 та голли узатмани амалга оширди.
