Италия чемпионатининг 37-тури доирасида «Милан» ўз уйида «Аталанта»ни қабул қилиб, жуда муҳим ғалабани қўлга киритди.

"Россонери" биринчи бўлимда устунликка эга бўлган бўлса-да, рақиб дарвозасига йўл топа олмади. Иккинчи таймда эса мезбонлар ғалабани ўз томонларига оғдиришди.

Дастлаб Рафаэль Леау сўнгги ҳимоячидан қочиб кетиб, яккама-якка вазиятдан тўпни дарвозабоннинг оёқлари орасидан ўтказиб, ҳисобни очди. Ўйин тугашига 15 дақиқа қолганида эса "Милан" ҳимоячилари ўз жарима майдонлари яқинида тўпни "нерадзурри" футболчисидан олиб қўйишди. Тўпни қабул қилган Тео Эрнандес эса рақиб жарима майдонигача югуриб борди, йўл-йўлакай бир неча футболчини алдаб ўтди ва дарвозабонни ҳам доғда қолдирди.

Шу тариқа, "Милан" ўз очколарини 83тага етказиб, чемпионлик сари жуда катта қадам ташлади. Масалан, "Интер" бугун "Кальяри" билан ўйинда очко йўқотса ёки "Милан" сўнгги турда "Сассуоло" билан камида дуранг ўйнаса ҳам Скудеттони қўлга киритади.

Италия А серияси, 37-тур
Милан – Аталанта 2:0 (0:0, 2:0)
Голлар: 1:0 – 56 Рафаэл Леау, 2:0 – 75 Эрнандес.
Милан – Меньян, Калабрия (Флоренци, 80), Томори, Калулу, Эрнандес, Крунич (Бакайоко, 79), Кессиэ, Салемакерс (Жуниор Мессиас, 55), Тонали (Беннасер, 63), Жиру (Ребич, 55), Рафаэл Леау.
Аталанта – Муссо, Хатебур (Скальвини, 79), де Рон, Паломино (Демирал, 80), Гимшити, Дзаппакоста, Фройлер, Пашалич (Малиновский, 55), Пессина (Бога, 70), Копмейнерс, Муриэль (Сапата, 55).
Огоҳлантиришлар: Жиру (44), Копмейнерс (53), Кессиэ (67), Малиновский (87), Беннасер (90).