Уругвайлик ҳужумчи Луис Суарес Мадридда ўтказган икки йиллик фаолиятидан сўнг, "Атлетико" билан расман хайрлашгани ҳақида хабар берган эдик.

Мадрид клуби мухлислари "Севилья"га қарши ўйиндан кейин Суаресга ҳурмат бажо келтиришди.

- Луис Суарес ўзининг сўнгги учрашувини "Ванда Метрополитана"да ўтказди. У алмаштирилгандан сўнг кўз ёшлари билан майдонни тарк этди. 82 ўйин, 34 гол, 6 голли узатма ва Ла Лига чемпионлиги. Ла Лига тарихидаги энг яхшиларидан бири" - дейилади ижтимоий тармоқдаги постларнинг бирида.

- Раҳмат, Лучо, сен бизни чемпион қилдинг, - деди яна бир "Атлетико" мухлиси.

Луис Суарес 2020 йилнинг ёзида “Барселона”дан “Атлетико”га кўчиб ўтган эди.