Эрон миллий терма жамоаси бош мураббийи Карлос Кейруш кеча "Озодий" стадионида ўтказилган машғулотдан кейин журналистларнинг саволларига жавоб берди ва Жаҳон чемпионати орзусини рўёбга чиқариш вақти келганини таъкидлади.
"Жаҳон чемпионатига чиқиш ҳақида ўйлаяпмиз. Ушбу орзуни рўёбга чиқариш вақти келди. Ўз мақсадимизга эришиш учун барча кучни ишга солишимиз керак. Олдимизда улкан вазифа турибди. Жанубий Корея, Ўзбекистон, Қатар ва Ливан — кучли жамоалар ҳисобланишади. Улар ҳам ЖЧга чиқишни мақсад қилишган.
27 май куни Истанбулда Албания билан ўртоқлик учрашувини ўтказамиз ва шундан сўнг Тошкентга йўл оламиз", — деди Карлос Кейруш.
