Лондоннинг "Челси" клуби бош мураббийи вазифасини вақтинча бажараётган Роберто Ди Маттео Европа чемпионлар Лигаси финалида ғалаба қозониш ўта муҳим эканлигига урғу берди.

"Мен клуб олдида улкан масъулият ҳиссини туймоқдаман. Мен ўзим ҳақимда ўйлаётганим йўқ. Ўртада – Еврокубок турибди, Еврокубок бўлганда ҳам "Челси" ўз тарихида биринчи марта қўлга киритиши мумкин бўлган соврин.

Бу ўйин клуб тарихи учун муҳим аҳамиятга эга. Ғалаба эса "Челси"ни ушбу совринни ютган клублар билан бир қаторда тилга олинишига сабаб бўлади.

Биз ғалаба қозониш учун етарли тажриба ва имкониятларга эга эканлигимизни билишимиз керак. Дадиллик ва клуб учун алоҳида хизмат қилиш учун истак керак.

Ҳаммасини битта ўйин ҳал қилади. Албатта, ҳозирча футболчиларимнинг дисквалификациялари билан боғлиқ бош оғриғим ҳам етарли...

Ҳа, биз пенальти тепишни машқ қилдик, нафақат ушбу ҳафта ичида, бутун мавсум мобайнида. Тўғри, ўтган ҳафта ичида алоҳида эътибор билан шуғулландик. Албатта ўйин пайтидаги босимни машғулот жараёнларида ҳосил қилишнинг имконияти йўқ, бироқ машғулотларимиздаги меҳнатимиздан ўзимизга бўлган ишонч тобора ортяпти.

"Бавария"да Мануэль Нойердек ажойиб дарвозабон бор, шубҳасиз, у топ-дарвозабон саналади. Ҳаттоки унинг кучли томонларини ўрганиш учун менда "Реал"га қарши кечган ўйиндаги пенальтилар сериясини томоша ҳам қилишга ҳам ҳожат йўқ эди", – деди итальян мутахассис The Telegraphга берган интервьюсида.