Италия терма жамоаси бош мураббийи Роберто Манчини А Сериядан Жоржио Кьеллини ва Лоренцо Инсиньелар ҳақида фикр билдирди.
“Кьеллини кетишга қарор қилгани ачинарли, чунки у терма жамоа ва “Ювентус” учун фойдали футболчи эди. Афсуски, вақт ҳамма учун ўтади. Унинг Европа чемпиони сифатида кетиши муҳим”, - деди Манчини Кьеллини ҳақида Corriere dello Sport нашрига берган интервьюсида.
У, шунингдек, Инсинье МЛСда қўшимча тажрибага эга бўлишига ва ҳали ҳам терма жамоага кўп нарсалар бера олишига умид билдирди.
Ҳар икки футболчи бу мавсумда ўз клубларини тарк этишга қарор қилишган. Инсинье аллақачон "Торонто" клубига ўтишга рози бўлган, Кьеллини эса фаолиятини қаерда давом эттириши ҳали маълум қилмаган.
