"Тоттенхэм" ҳужумчиси Харри Кейн 2021 йилнинг кузида жамоани қабул қилиб олган "шпорлар" бош мураббийи Антонио Контенинг иқтидорига ашаддий мухлислик қилишини тан олди.
"Мен Контенинг ашаддий мухлисиман, агар у қолса ажойиб бўлади. Биз у билан ишлашдан жуда хурсандмиз. Умид қиламизки, кейинги мавсумни ажойиб мураббий билан бошлаймиз. Лекин бу Контега боғлиқ. Ишончим комилки, у клуб билан гаплашиб, ўз келажагини ҳал қилади", - дея Кейннинг сўзларини келтиради журналист Фабрицио Романо.
Эслатиб ўтамиз, чемпионат якунланиши арафасида “Тоттенхэм” АПЛ турнир жадвалида “Арсенал”ни 2 очкога ортда қолдириб, тўртинчи ўринда бормоқда.
