"Штутгарт" "Арсенал"дан ҳимоячи Константинос Мавропаносни сотиб олмоқчи, дея хабар беради журналист Фабрицио Романо.
Манбага кўра, жамоа мавсум якунида Бундеслигадаги ўрнини сақлаб қола олгани учун клуб 24 ёшли грециялик футболчини сотиб олиш вариантини фаоллаштирмоқчи. Шартнома немис клубига 3 миллион еврога тушиши мумкин.
Яқин орада клуб футболчи билан шартнома шартларини муҳокама қилади.
Эслатиб ўтамиз, "Штутгарт" Мавропаносни 2020 йилнинг июлида "Арсенал"дан ижарага олганди. 2021/22 йилги мавсумда ҳимоячи жамоа сафида 32 та ўйинда майдонга тушиб, 5 та гол ва 1 та голли узатмага муаллифлик қилган.
