Мадриднинг “Реал” клуби ярим ҳимоячиси Гарет Бэйлнинг агенти ўз мижозини ёзда “Сантьяго Бернабеу”ни тарк этишини тасдиқлади.
Катта эҳтимол билан уельслик футболчининг кейинги манзили “Тоттенхэм” бўлади.
"Гарет "Реал"ни тарк этади. У албатта премьер-лигага қайтади. Аммо шу билан бирга, унинг келажаги Уельс терма жамоасининг Жаҳон чемпионатига чиқишдаги ўйинларига ҳам боғлиқ бўлади", - дейди агент.
Эслатиб ўтамиз, Гарет Бэйл жорий мавсум Испания чемпионатида бор йўғи 5 та ўйинда майдонга тушиб, битта гол урган. Июль ойида футболчи 33 ёшга тўлади.
