Coca Cola Суперлигаси 9-тур доирасидан ўрин олган   “Қўқон-1912” - “Пахтакор”  учрашуви 18 май  куни Яйпан шаҳридаги “Ўзбекистон” стадионида бўлиб ўтади. Мазкур баҳс олдидан ушбу жамоаларнинг ўзаро ўйинлардаги статистик маълумотлари билан таништириб ўтамиз.

Ўзаро ўйинлар
Бу жамоалар шу пайтга қадар чемпионат доирасида 32 марта тўқнаш келишган. Ўйинларнинг 6 тасида вакилларимиз зафар қучишган, 19 та баҳсда “Шерлар”нинг қўли баланд келган. Еттита учрашувда дуранг натижа қайд этилган.
Тўплар нисбати – 84-45, “Пахтакор” фойдасига. Ўзаро ўйинларда “Қўқон-1912” 25 очкони қўлга киритган. “Пахтакор”нинг очкоси 64 тани ташкил этади.

Ушбу жамоаларнинг сўнгги еттита учрашуви

01.10.2021  «Қўқон-1912» - «Пахтакор»  4:2
12.05.2021  “Пахтакор” – “Қўқон -1912” - 3:0
20.10.2020  “Пахтакор” – “Қўқон-1912” - 2:1
18.08.2020  «Қўқон-1912» - «Пахтакор» 1:3
26.07.2019  “ Пахтакор” – “Қўқон-1912” - 3:1
29.06.2019  «Қўқон-1912» - «Пахтакор» 1:2
12.08.2018  «Қўқон-1912» - «Пахтакор» 1:1

“Пахтакор”га қарши баҳсни Рустам Лутфуллин бошқариб боради

ЎзПФЛ Coca Cola суперлигасининг  9-турида ишлайдиган расмийлар рўйхатини эълон қилди. Унга кўра “Қўқон-1912” ҳамда “Пахтакор”  жамоалари ўртасидаги учрашувни  ёш  ФИФА ҳаками, Рустам Лутфуллин бошчилигидаги ҳакамлар жамоаси бошқариб борадиган бўлди.
Рустам Лутфуллин яқиндагина, аниқроғи 6-турдан ўрин олган “Қўқон-1912” – “Насаф” баҳсини бошқариб борган эди. Ўша ўйинда VAR тизимидан фойдаланилмаган эди. Бу сафарги ўйинда  ҳам кўчма телевизион станция билан боғлиқ муаамо сабабли VAR тизимидан фойдаланилмайдиган бўлди.

18 май, чоршанба
ҚЎҚОН-1912 – ПАХТАКОР
Ҳакамлар: Рустам Лутфуллин, Маҳмуд Турдиев, Феруз Достонов, Акмал Раҳимов
Назоратчи: Арслон Хотамов
Комиссар: Бекзод Арипов

Бошланиш вақтлари

“Қўқон-1912”  “Пахтакор” учрашуви, 18 май  чоршанба  куни Яйпан шаҳридаги “Ўзбекистон” стадионда соат 16:45 да бошланади. Ушбу жамоаларнинг ўринбосарлари U-21 биринчилиги 9-турида майдонга тушишади. Мазкур баҳс 19 май куни бўлиб ўтади.