Англия терма жамоаси ва «Манчестер Юнайтед» клуби собиқ ҳимоячиси Рио Фердинанд Криштиану Роналдунинг "манкунианликлар" жамоасини тарк этиши ҳақидаги миш-мишлар ҳақида фикр билдирди.
“Криштианунинг келажаги? Унинг қолишига 100 фоиз аминман. Жамоа янги мураббийга эга бўлади, тен Хагга кийиниш хонасида обрўли ёрдамчи керак бўлади. "Олд Траффорд"да доим шундай бўлган. Мураббийлар штабига янги маданиятни яратишда ёрдам бериш учун ҳар доим футболчиларга эҳтиёж бор”, - деди Фердинанд Daily Mail билан суҳбатда.
Криштиану ўтган йилнинг ёзида "Олд Траффорд"га қайтганди. Унинг шартномаси 2022/2023 йилги мавсум охиригача амал қилади.
