"Эвертон" клуби ҳужумчиси Ришарлисон Лондоннинг "Арсенал" жамоасига ўтиши мумкин.
"Канонирлар" бош мураббийи Микель Артета "Наполи" ҳужумчиси Виктор Осимхендан кўра бразилиялик футболчини сотиб олишни фойдали деб ҳисобламоқда.
Аввалроқ, «Наполи» Осимхен учун 100 миллион евро нарх белгилагани хабар қилинганди. "Арсенал" бу футболчи учун трансфер суммасини жуда юқори деб ҳисобламоқда.
Ришарлисон янги чақирув излаб "Эвертон"ни тарк этмоқчи эканлиги ҳақида ҳам маълумотлар бор эди. Ҳужумчининг трансфери 60-65 миллион еврога тушиши мумкин.
Футболчи жорий мавсумда АПЛда 29 та ўйинда майдонга тушиб, 9 та гол урди ва 5 та голли узатмани амалга оширди.
