"Манчестер Сити" ярим ҳимоячиси Илкай Гюндоганни Мадридда кўриб қолишди. Ижтимоий тармоқларда эса "Реал" вакиллари футболчи билан боғлангани ҳақида маълумот пайдо бўлди.
Футболчининг “шаҳарликлар” билан шартномаси 2023 йилда якунига етади. Гюндоган жамоанинг асосий футболчиси бўлишни хоҳлайди. "Манчестер Сити" бош мураббийи Хосеп Гвардиола ярим ҳимоячини клубда қолдиришни истайди, бироқ унга асосий таркибдан жой олишига кафолат бера олмайди. Агар футболчи кетишни истаса, "Манчестер Сити" уни сақлаб қолмаслигини билдирган.
Гюндоган жорий мавсумда Премер-лигада 26 та ўйинда майдонга тушиб, 6 та гол урди ва 4 та голли узатмани амалга оширди.
