Мадрид мэри Хосе Луис Мартинес-Алмейда "ПСЖ" ҳужумчиси Килиан Мбаппе "Реал"га ўтгани ҳақидаги миш-мишлар ҳақида ҳазил қилди.
"Мбаппе менга "Атлетико"га ўтишини айтди", - дея Мартинес-Алмейда сўзларини келтиради Marca.
Кеча, 16-май куни Мадриднинг “Реал” клуби Мбаппе билан шартнома шартларини келишиб олгани ҳақида хабар берилганди. 23 ёшли ҳужумчи Мадрид клуби билан 5 йиллик шартнома имзолаши кутилмоқда.
2021/22 йилги мавсумда Мбаппе "ПСЖ" сафида 45 ўйинда 36 гол урди ва 26 голга ассистентлик қилди. Ҳужумчининг парижликлар билан шартномаси 2022 йилнинг июнь ойи охиригача амал қилади.
