"Ливерпуль" бош мураббийи Юрген Клопп ўз жамоасини АПЛнинг жорий мавсумида чемпион бўлиш учун "скаузерлар"нинг асосий рақиби бўлган "Манчестер Сити"га қиёслади.
“Ливерпуль” ва “Манчестер Сити” икки хил жамоа. Ҳа, бизнинг маҳоратимиз ўхшаш, аммо услубимизни умумий деб айтмаган бўлардим. Ўз ўйинимиз орқали биз бир-биримизни олға бориш учун туртки берамиз, бу ажойиб", - деди Клопп "Саутгемптон"га қарши ўйин олдидан ўтказилган матбуот анжуманида.
Эслатиб ўтамиз, бугун "Ливерпуль" АПЛнинг сўнгги тури олдидан "Манчестер Сити"дан фарқни бир очкога қисқартириш имкониятига эга бўлади. Бунинг учун Клопп шогирдлари "Саутгемптон"ни мағлуб этишлари керак.
