"Болонья" раҳбарияти тез орада "Шахтёр"ни тарк этадиган Роберто де Зербини бош мураббийликка таклиф қилишни режалаштирмоқда, деб ёзади ItaSportPress.
Манбанинг хабарига кўра, Италия клубининг амалдаги устози Синиша Михайлович соғлиғидаги муаммолар туфайли ўз лавозимини тарк этиши мумкин.
Де Зерби Михайлович ўрнини эгаллашга тайёр, аммо унинг юқори талаблари келишувга эришишда муаммо бўлиши мумкин. У клубда йилига камида 2 миллион евро олмоқчи.
"Болонья" Италия чемпионати турнир жадвалида 13-поғонада бормоқда. Уларнинг ҳисобида 43 очко бор. Синиша Михайлович 2019 йилдан бери итальян жамоасида ишламоқда.
