"Барселона" "Реал"ни ортда қолдириб, дунёнинг энг қиммат клубига айланди. Каталония клуби 4,76 миллиард долларга баҳоланган, бу иккинчи ўриндаги "Реал"дан бир оз кўпроқ суммани ташкил қилади. Мадрид гиганти каталонияликлардан 10 миллион долларга арзонроқ баҳоланди.
Forbes нашри талқинига кўра, энг қиммат жамоалар рўйхатида "Барса" "Даллас Ковбойс" (5,7 миллиард доллар), "Нью-Йорк Янкиз" (5,25 миллиард доллар) ва "Нью-Йорк Никс"дан (5 миллиард доллар) кейин тўртинчи ўринни эгаллаб турибди.
Аммо, Каталония клуби бир йил ичида ўз қийматини 34 фоизга оширган бўлса, "ПСЖ", "Ливерпуль" ва "Манчестер Сити" каби клублар бу кўрсаткични 100 фоизга кўпайтириб олган.
