"ПСЖ" ярим ҳимоячиси Марко Верратти клуб билан икки йилдан кейин тугайдиган шартномасини узайтириш борасида музокаралар олиб бораётганини тасдиқлади. Эслатиб ўтамиз, 29 ёшли ярим ҳимоячи парижликлар сафида 2012 йилдан буён ўйнаб келмоқда.
“Янги шартномами? Биз клуб билан музокаралар олиб бормоқдамиз. Келишувни муҳокама қилиш истагим йўқ, қарорни раҳбарият қабул қилади. Менда ҳеч қачон муаммо бўлмаган, жамоада қолишни хоҳлайман. Мен билан шартнома имзолаш ёки имзоламасликни клуб ҳал қилади», - деди Верратти.
Жорий мавсумда Верратти Франция чемпионатида иккита гол урди ва иккита голли узатмани амалга оширди.
