Собиқ Англиялик ҳужумчи Тедди Шерингем "шпорлар" етакчиси Харри Кейннинг яқин келажаги ҳақида ўз фикри билан ўртоқлашди.
“Сизни “Манчестер Юнайтед”га чақиришса, “йўқ” дейиш қийин, ҳатто улар кейинги мавсум учун еврокубокларсиз қолганларида ҳам. Тен Хагнинг кўп ишлари бор ва менимча, Кейн ҳозир у ерга ўтса, "Манчестер Юнайтед"дан кўра, Антонио Конте қўл остида "Тоттенхэм" билан соврин ютиш эҳтимоли кўпроқ. Менимча, у "шпорлар" таркибида қолади. Ҳулқ-атворидан келиб чиқиб, у “Тоттенхэм”да яна бахтли кўринади” - — деди собиқ футболчи.
Харри Кейннинг "Тоттенхэм" билан шартномаси 2024 йилгача мўлжалланган. 28 ёшли форвард жорий мавсумда “шпорлар” сафида 49 та ўйинда майдонга тушиб, 26 та гол урди.
