Андижон "Ширин Газ сервис" корхонаси раҳбари, жамоамиз бош ҳомийси Зафархўжа Раҳимов куни кеча клуб аъзолари билан учрашди.
Ортда қолган ўйинлар бўйича хулоса ва келгусидаги муҳим учрашувлар олдидан клуб президенти ўз фикрларини билдириб ўтди.
Энг аввало Зафархўжа Акрамхўжаевич, футболчиларимизни ортда қолган барча ғалабалар билан табриклаб уларга миннатдорчилик билдирилди. Лекин бу билан тўхтаб қолмасликларини ҳам аълоҳида таъкидлаб, жамоанинг ҳар бир аъзосидан умиди катта эканлигини яшириб ўтирмади.
Шу боис олдинда кутиб турган муҳим ўйинларга янада жиддий тайёргарлик кўриб, барча учрашувларда майдонга фақат "жанг" қилиш учун тушиш кераклигини таъкидлаб ўтди. Бу борада футболчиларнинг потенциали юқори эканигига ҳеч қандай шубҳаси йўқлигини ҳам қўшимча қилди.
Шунингдек клуб президенти, футболчиларни яқин йилларда хориж клубларида ўйнашига умид қилаётганини билдирди.
